Tsa Txhiaj Meej – Hawj Nkaj Pov – 1 Hmong Windows

Learn Hmong Online: Patrimonial Culture of Hmong. Vang Lee Gee. Email: learnhmongonline@gmail.com / Hmoob Kab Ke Qub Teg. Vaj Lim Tsim.

Nyob zoo phooj ywg sawv daws, kuv yog Vaj Lim Tsim, kuv muab yawm yij Hawj Nkaj Pov cov lus Tsa Txhiaj Meej, Txi Xwm Kab tso rau nej tau mloog ua tshuaj. Txi Xwm Kab

Zos Khej me Hawj Nkaj Pov yog ib tug neeg txawj Hmoob li kab ke dab qhuas tshaj plaws, raws li kuv paub thiab pom nws tau pab ib tsoom kwv tij neej tsa phooj ywg sawv daws. Hmoob tej laus li txuj ci nws txawj ntau dua lwm tus. Cov txuj nws txawj yog: Ua Neeb, Daws Dab, Khawv Koob, Fiv Yeem, Txi Xwm Kab, Hu Plig, Tsa Txhiaj Meej, Tshoob Kos ua Mej Koob, Pam Tuag Txiv Qeej Txiv Nruas (Tshuab Qeej), Kav Xwm, Qhuab Ke, Hais Txiv Xaiv Foom Kom, Ntau Hlau Riam Taus Txuas, tseem yog ib tug kws txuas qeej tshov thiab. Nws yog ib tug tau pab lub zej zos ntau kawg nkaus uas suav tsis txheeb li lawm. Kuv tsis tau pom nws ua los yog hais yog: Hais Kwv Txhiaj Lus Taum, Tshuab Raj Tshuab Ncas, Tshuab Nplooj, kuv xav tias nws kuj txawj thiab.
Cov lus nws txawj hais yog: Lus Hmoob, lus Thaib, thiab lus Suav.
Kuv kaw nws Zaj Tsa Txhiaj Meej thiab Txi Xwm Kab xyoo 1996-02-13 hauv lub zos Khej me.

ม้งเข็กน้อย เป็นชาวเขาอยู่ในประเทศไทย เด็กอาเซียน 10 ประเทศ จำเป็นต้องรู้ภาษาต่างชาติ เช่น ภาษาอังกฤษ ภาษาจีน
ภาษาม้ง ควรจะเรียนไปพร้อมกัน เรียนภาษาม้งไม่ยาก

Khej me kuj muaj me nyuam Hmoob txawj lus txawv teb chaws. Hmoob Khej me cov tub ntxhais hluas los rau siab kawm luag lwm heev neeg li txuj ci. Zos Khej me muaj kwv tij phooj ywg coob heev. Kuv tau ntsib ib tug neeg American tuaj hauv lub zos Khej me, nws txawj hais ntau haiv neeg li lus: Lus Hmong, Lus Suav, Lus Thaib, Lus Nplog, American English, kuj hais tau lwm hos lus me ntsis thiab.

Tshuaj ntsuab yog txawj muab los cawm neeg txoj sia, yuav kav lub neej mus ib tiam. Vim koj tsis hlub kuv thiaj ncaim mus ib sab ntuj. Me nplooj siab tus kuv tshua, ua siab loj kuv yuav rov los xyuas koj mog. Yuav tos koj txog thaum twg, wb thiaj yuav tau sib cuag. Txoj kev hlub nyob tsis ploj hauv koj siab, ntseeg tias koj yuav rov txawj thim xav. Hlub thawj tug zoo dua. Niam nkauj txhav qaib txiv nraug txhav noog, sib hlub thiaj nyob nto moo. Niam nkauj ntsuab yog tus yuav los tab cuab. Lub neej noj ntxuag kua muag, tsis tsheej cuab vim yog luag qub. Luag tsis hlub los vim koj teev ntshav. Ua nkauj fa luag tsis hlub, los vim yus tsis muaj tub; tsis tsheej cuab ntseg yim, los vim yus tsis muaj ki. Txij nkawm tsis txawj sib hlub, tim yug tsis tau zoo tub; txij nkawm tsis txawj sib hais, tim yug tsis tau zoo ntxhais. Lub ntuj dav lub teb nqaim, wb tau sib ncaim lawm, koj puas tseem nco kuv thiab osd? Koj tau noj thaum hluas, es puas tseem tshua osd me leej nus tus kuv nco. Ua neej tsis tsheej cuab, vim nqaij noj tsis tau txhua; Lub neej tsis tsheej yig, vim zaub noj tsis tau txhij. Yawg nrau yawg ntsuag los yus pom txhua, yeej piv tsis cuag yus thawj tug hluas. Hlub thawj zaug nco ntsoov mus txog hnub xaus, ua neej nco txog hnub laus. Ua qoob loo tsis zoo ces tag ib cim, ua neej tsis zoo ces tag ib sim. Mus zoo mog me nplooj siab tus kuv hlub thiab txhua. Me ntxhais mus ua nyab, txhob tig saib rov tom qab. Txoj hmoo tiam no tau hlub tsis tau yuav. Chim cia nruab siab txhob poob lub kua muag, qhua zej qhua zos thiaj tsis luag. Me nplooj siab tus kuv hlub thiab tshua, puas muaj hnub wb rov tau los sib cuag. Sib ncaim tiam no ntshe yuav nco mus ib txhis tsis muaj hnub ploj. Mob kuv lub siab tsis txawj tag, yuav ua cas thiaj rov los sib pom. Qub kiav roj los tau noj, kua zaub tsuag los haus txhua. Sim neej no cas yuav nco koj ua luaj, lub kua muag los tsis tu. Yuav tsis tau leej nus tus kuv tshua, tseg tsis tau leej muam tus kuv hlub. Mus ua luag nyab hlub luag roog, ua neej thiaj muaj koob meej nto moo. Lub neej zoo yog txawj sib hlub, txhob ua neej los sib ntxub. Noj hno ntxuag kua muag iab, ua neej nyob tsis sov siab. Tau tub roog zoo, thiaj hmov koj lub moo. Muaj zoo tub thiaj tsim nyog qhov luag hlub. Muaj txoj hmoo tau rov pom koj dua, leej muam Hmoob tus kuv tshua. Zoo siab tau rov los pom koj ib zaug dua. Ncaim peb xyoo dhau mus lawm ntsiag moo to. Mob siab npaum cas los tsis pom koj lawm mog. Tau sib ncaim mus ntev niaj ntau xyoo, tsis hnov koj lub moo. Nyias taug nyias ib txoj kev ntshe yuav zoo dua thiaj tsis sib tshua. Xav tsa ncauj hu koj lub npe, ntshai tsam koj tsis kam teb. Hauv lub siab mob pes tsawg npaug thiaj yuav tso tau koj mus txog hnub xaus. Kheev lam tig tau li lub sij hawm, es rov muab wb kho los ua txij nkawm. Quaj seev yuj yees taug wb txoj qub ke, los tsis muaj koj nrog kuv tuav tes. Nco txog koj lub npe, thaum wb zaum sib tham luag ntxhi ua ke. Xav kom wb rov qab los muaj lub neej ib zaug ntxiv, thiaj yuav pauj tau txoj kev chim. Tiam no ntawv tsis raug thiaj tsis tau koj los yog kuv li. Txoj hmoo tsis zoo ces cia rau lwm tiam mam rov los sib cuag mog leej muam tus kuv tshua.

Tsa Txhiaj Meej – Hawj Nkaj Pov – 1
36,900 views views	4,088 followers
94 Likes	94 Dislikes
People & Blogs	Upload TimePublished on 3 Jul 2015